Haustdagar þriðjudag og miðvikudag

Í næstu viku, þriðjudag og miðvikudag ætlum við að hafa haustdaga og færa skólastarfið út, enda erum við búin að panta sumarblíðu þessa daga. Eins og lesa´má á heimasíðu skólans ætlar unglingadeildin að ganga Síldarmannagötur á þriðjudag og gista í skátaskálanum í Skorradal. Þau verða komin heim fyrir heimferð á miðvikudag.

Allir nemendur skólans fara með skólabílum upp í Fannahlíð á þriðjudag þar sem skóladagurinn verður. Yngri deildir vinna að ýmsum skemmtilegum umhverfisverkefnum og 6 og 7 bekkir ætla að ganga á Akrafjall. Heimkeyrsla er á eðlilegum tíma frá Fannahlíð

Miðvikudaginn aka skólabílar með yngsta og miðstig upp í Ölver og síðan fer dagurinn í að ganga í Heiðarskóla með ýmsum verkefnum og leikjum á leiðinni. Heimakstur er frá Heiðarskóla.

3. september 2010 08:54

Síldarmannagötur

Í Heiðarskóla hefur skapast sú skemmtilega hefð að nemendur unglingadeildar, hafa ásamt umsjónarkennurum sínum, gengið ýmis fjöll og firnindi að hausti. Í ár hafa Síldarmannagötur orðið fyrir valinu. Fyrir þá sem ekki vita er gengið eftir þeim úr Hvalfirði yfir í Skorradal. Gangan fer fram þriðjudaginn 7. september og verður lagt af stað frá Fannahlíð strax að loknum morgunverði. Í ár mun að auki verða gist í skátaskálanum í Skorradal og komið heim á miðvikudegi fyrir heimakstur. Boðið verður upp á kvöldmat og morgunmat/hádegismat í skátaskálanum á vegum skólans. Einnig mun mötuneyti skólans sjá nemendum fyrir nesti meðan á göngu stendur. Mikilvægt er að nemendur mæti vel búnir þ.e. klæddir eftir veðri og vel skóaðir.

meira...

2. september 2010 15:24

Skemmtileg kvikmyndagerð

Námskeið í SKEMMTILEGRI KVIKMYNDAGERÐ fyrir unglinga á Akranesi og í Hvalfjarðarsveit verður haldið í Þorpinu, Akranesi, á miðvikudagskvöldum milli kl. 18:30 og 21 frá 8. september fram í nóvember.

Kennarar eru Anna Leif Elídóttir og Kristinn Pétursson.

Skráning stendur yfir til 3. september. Námskeiðsgjald er 1.500 kr. Hægt er að skrá sig á vef námskeiðsins eða hjá Heiðrúnu í Þorpinu í síma 433 1251.

Nánari upplýsingar um námskeiðið eru á vef námskeiðsins:

www.minervamidlun.is/kvik

Námskeiðið er styrkt af Menningarráði Vesturlands.

2. september 2010 15:19

Heiðarskóli tekur þátt í Evrópuverkefni

Sl. vor sótti skólinn um að taka þátt í Comeníusarverkefni og fengum að vita það seinnipartinn í sumar að umsókn okkar hefði verið samþykkt.

Þetta er mjög spennandi verkefni sem ber yfirskriftina „Keep fit and active-be healthy and happy“

Hljómar þessi yfirskrift mjög vel við áherslur okkar í skólanum á hollan mat og aukna hreyfingu og hollustu bæði á sál og líkama.

Verkefnið er samstarfsverkefni 13 grunnskóla í 11 Evrópulöndum. Samstarfslöndin eru auk Íslands: Þýskaland (2 skólar), Finnland (2 skólar), Frakkland, Grikkland, Lettland, Noregur, Pólland, Portúgal, Spánn og Rúmenía. Verkefnið sem slíkt hefur verið í gangi nokkuð mörg ár, en breyttar áherslur í hvert skipti sem það er endurnýjað og alltaf koma nýjir og nýjir aðilar inn og einhverjir detta út.

Þetta verkefni hefst í ágúst 2010 og því lýkur í júlí 2012. Umsjón með verkefninu fyrir hönd skólans hefur Sigríður Björk Kristinsdóttir kennari .

Styrkurinn sem fæst frá Evrópusambandinu er 18.000 evrur (u.þ.b. 2,800.000 ísl. kr ) og á sú upphæð að duga fyrir ferðum á samstarfsfundi, öllum kosnaði við það, ýmsum tilfallandi kosnaði skólans vegna verkefnisins og hugsanlegra tækja eða námsefniskaupa vegna verkefnisins.

Skipulagðir eru 4 sameiginlegir fundir sem 2-3 starfsmenn skólans munu sækja . Björk er aðal tengiliður en síðan er stefnt að því að sem flestir sem áhuga hafa geti tekið þátt í verkefninu. Fyrsti fundurinn er á frönsku eyjunni Martinique 16 – 24 okóber. Björk og Dóra Líndal fara á þann fund. Næsti fundur verður á Spáni í maí 2011. Þriðji fundurinn verður í Rúmeníu í október 2011 og fjórði og síðasti fundurinn í Grikklandi í apríl 2012.

Verkefnin eru mjög fjölbreytt og geta tengst inn á margar námsgreinar, t.d. náttúrufræði, íþróttir, heimilisfræði, tungumál, samfélagsfræði, stærðfræði, upplýsingatækni og lífsleikni. Við reiknum með að sem flestir starfsmenn skólans taki þátt í verkefninu á einn eða annan hátt.

Nemendur munu í fyrstu m.a. læra um brennslu, heilsufarsvandamál og mikilvægi staðgóðs morgunverðar ásamt því hvernig næringu sé best að fá ef maður stundar íþróttir. Skipulögðum verkefnum er skipt niður á tímabil og er t.d. verkefni janúarmánaðar 2011 að safna saman hollum uppskriftum og gefa út matreiðslubók fyrir krakka.

Hver skóli sem tekur þátt í verkefninu hefur yfirumsjón með nokkrum verkefnum og mun Heiðarskóli ásamt öðrum finnska skólanum sjá um orðabók með orðum sem tengjast heilsu og einnig munum við hafa umsjón með heilsu uppskriftabók barna ásamt skólanum frá Póllandi.

Heimasíða verkefnisins er http://www.our-comenius.net/.

1. september 2010 14:24

Busun/busaball fyrir 8.-10. bekk

Á morgun mun 10.bekkur bjóða 8.bekk velkominn í unglingadeildina með viðeigandi hætti. Busunin og ballið mun standa frá 17:00 - 21:00. 10. bekkur mun verða eftir í skólanum en 8.-og 9. bekkurinn fara heim og koma svo kl: 17:00. Það verður boðið uppá pizzur og gos eftir busunina fyrir unglingadeildina.

Kv. 10.bekkur Heiðó

30. ágúst 2010 14:13

Foreldraviðtöl /námsefnis og mentorkynningar miðvikudaginn 1. sept

Minnum á foreldraviðtöl miðvikudaginn 1. sept þar sem kynnt verður vetrarstarfið framundan, námsefni og námsmarkmið rædd.

Boðið verður upp á kynningu á Mentor í náttúrufræðistofu

VIð hvetjum foreldra til að kynna sér notkun Mentors þar sem við munum krefjast af foreldrum að nota Mentor í vetur til samskipta og leiðsagnarmats nemendanna.

25. ágúst 2010 13:02

Fyrsti skóladagur vetrarins

Veðrið leikur við nemendur fyrsta skóladaginn og er ekki að sjá annað en gaman sé að hitta félagana og hefja skólanámið. Í hádeginu var líka boðið upp á glænýjar kartöflur úr skólagarðinum með heimatilbúnum fiskibollum